Vingo.ma - vendez et achetez, trouvez la bonne affaire.

رجل في أواسط العمر،35 سنة،مستواي الدراسي إجازة،موظف بالوظيفة العمومية بعد اجتيازي مباراة بدبلوم الدراسات الجامعية العامة تحيل على سلم الأجور 8 الذي يعطي أجر متواضع جدا، يالاه خدمت فالقطاع العمومي حديثا جدا،قبل كنت غي كنعدي فالقطاع الخاص بأجور زهيدة جدا،معنديش السكن عايش مع مالين الدار فالبرنوصي الدار البيضاء ،وخدام كذلك فإدارة عمومية فالبرنوصي،ولكن ناوي نستقل بعد منتزوج إن شاء الله لكتاب،المهم الإمكانيات المادية راهي واضحة خصوصا في غياب السكن،دكشي علاش كنقلب على بنت الناس موظفة لي تكون قابلة فكرة نتعاونو على أعباء الحياة وتبدا معايا من 0 بلا شروط بلا متطلبات تفوق إمكانياتي حنت راني إنسان على قد لحال،المهم المعقول كاين،وهذا لا يعني أنني غنرخي عليها ولا غنعول عليها مئة في المئة ،ولكن راه مناين نوصل لحدود إمكانياتي المادية وبقات خاصا شي حاجة غنحتاجها تكملني على قدر مستطاعها شرط تدير داكشي بخاطرها بلا متمن عليا أو تدخل فندية وتنافسية معايا،ولا تولي تنقص مني هدشي مغنقبلوش أبدا،لأن وضيعيتي المادية ماشي أنا لي ختاريتها هي مكتاب من عند الله وانا حامد الله وشاكرو هدشي لي قسم الله حسن من شي وكرف من شي،وكنواعدها بلي إيلا زاد الله فرزقي نقد بمسؤولياتي ونهنيها. بائتي على قد لحال هاد الساعة (الحمد لله)،وكنت كندير أسباب إتساع الباءة عن طريق اجتياز مباريات تحيل على السلم 10 ومجابشي الله،قلت فنفسي الهروب للحلال أهم و أكبر عند الله من أنني نبقى نتسنى الباءة تتحسن باش نتزوج،فجاتني فكرة موظفة،نتعاونو معا على الحياة،وأنا مدرك بلي المرأة المحترمة راها محترمة سواء ربة بيت ولا موظفة. 1/مواصفاتي: أعيش النمط المحافظ،إنسان محترم،متخلق،مقبول شكلا وقولا،شارب عقلي مزيان،مستواي الثقافي متوسط،كنعرف بيني وبين ربي ومعرفتي الدينية متوسطة،همي هو الهروب للحلال وطاعة الله،ومغاراني حتى حاجة فالدنيا من غير الحلال والمعقول،كنقدر المرأة المحترمة. 2/مواصفات الزوجة لي تناسبني: سنها ما بين 26 سنة و 30،تكون شاربا عقلها،تكون إنسانة محترمة ومتخلقة، كتلبس المستور الطويل الذي يتوافق مع شرع الله،مقبولة شكلا وقولا،مستوى ثقافي متوسط على الأقل،تعرف بينها وبين الله عز وجل مع معرفة دينية متوسطة على الأقل،ضريفة وبحياها،ومكتعارضش تعاون الزوج على الزمان،وتكون مغاراها فالدنيا حتى حاجة من غير الحلال والمعقول،وتكون كتقدر الرجل المحترم. إيلا فيك هاد المواصفات أبنت الناس وعجبوك مواصفاتي وظروفي مرحبا راه ناوي المعقول ولا شيء غير المعقول. للإشارة:أنا إنسان مطلق بدون أبناء